पानीमा खेलबाड गर्ने उद्योगमा सिलबन्दी गरेर तीन लाख जरिवाना

वाणिज्य,आपूर्ति तथा उपभोक्ता संरक्षण विभागले ललितपुरको एक पानी उद्योगलाई तीन लाख रुपैयाँ जरिवाना तिराएको छ । पिउन अयोग्य पानी बेचेको प्रमाण भेटिएपछि विभागले पाटन औध्योगिक क्षेत्रभित्र सन्चालित अन्नपूर्ण इन्डष्ट्रिजलाई जरिवाना तिराएको हो ।

उक्त उद्योगद्वारा उत्पादिन पानीको नमूना संकलन गरी असार १० गते परीक्षणका लागि पठाइएको थियो । असार १६ गते प्राप्त परीक्षण प्रतिवेदनमा पानीको गुणस्तर घटबढ भई पिउन अयोग्य देखिएको विभागले जनाएको छ ।

विभागले उपभोक्ता संरक्षण ऐन,२०७५ दफा ३९, उपदफा १ को खण्ड (ख) बमोजिम तीन लाख रुपैयाँ जरिवाना गराउनुका साथै उक्त उद्योगबाट उत्पादित परीक्षणका लागि पठाएको ब्याच नम्बरका सबै मीनरल वाटर उत्पादकलाई बजारबाट फिर्ता गर्न पनि लगाएको छ ।

त्यस्तै,गुणस्तर कायम भएको प्रमाणपत्र पेश नगरुञ्जेलका लागि उद्योग सिलबन्दी गरेको जनाइएको छ ।