धनगढीबाट आउनासाथ माधव नेपाल सिमरा,बेलायती राजदूत पनि त्यतै

डोटीको सिलगढीमा आयोजित पार्टीका विभिन्न कार्यक्रममा सहभागी हुनुभएका नेकपा एकीकृत समाजवादीका अध्यक्ष माधवकुमार नेपाल आज सिमरा पुग्नुभएको छ । उहाँ डोटीबाट धनगढी हुँदै हिजो राजधानी आउनुभएको थियो ।

डोटी जाँदा पूर्वमन्त्री प्रेम आले सँगै हुनुहुन्थ्यो । आज सिमरा जाँदा उहाँसँगै शहरी विकासमन्त्री मेटमणि चौधरी हुनुहुन्छ । अध्यक्ष नेपाल र मन्त्री चौधरी बिहान ७ बजे बुध्द एअरको उडानमा त्यता जानुभएको हो ।

आजै दिउँसो साढे २ बजे बेलायती राजदूत निकोला पोलिट र पूर्वमन्त्री करिमा बेगम पनि बुध्द एअरको उडानमा त्यता जानुभएको बताइन्छ ।

नेपाली काँग्रेसकी नेतृ तथा पूर्वमन्त्री सुजाता कोइराला आज दिउँसो नयाँ दिल्ली जानुभएको छ । उहाँ नेपाल वायुसेवा निगमको उडान नम्बर आरए २१७ बाट दिउँसो २ बजे त्यता प्रस्थान गर्नुभएको हो ।