अमेरिकी कार्यवाहक राजदूत ओली निवासमा सवा घण्टा

नेकपा एमालेका अध्यक्ष केपी शर्मा ओलीसँग काठमाडौंस्थित अमेरिकी राजदूतावासका डेपुटी चिफ अफ मिशन तथा कार्यवाहक राजदूतले भेटघाट गरेका छन् । कार्यवाहक राजदूत म्यानुअल पि.मिक्लर अध्यक्ष ओलीलाई भेट्न अस्ति बिहान साढे ११ बजे पुग्नुभएको बताइन्छ ।

अध्यक्ष ओली र मिक्लरको मात्रै उपस्थितिमा भएको छलफल करिब सवा घण्टा चलेको थियो । एमसीसी पारित भएको,एसपीपी फिर्ता भएको र इण्डो प्यासिफिकसँग सम्बन्धको विषय पेचिलो बन्दै गएको अवस्थामा उहाँहरुबीच भएको भेटलाई अर्थपूर्ण मानिएको छ ।

त्यसलगत्तै बालुवाटारमा प्रधानमन्त्री शेरबहादुर देउवासँग दुई जना मन्त्रीले संयुक्त भेटवार्ता गर्नुभएको छ । गृहमन्त्री बालकृष्ण खाँण र खानेपानीमन्त्री उमाकान्त चौधरीले बिहान ९ बजेदेखि १० बजेसम्म भेटवार्ता गर्नुभएको हो ।