भारतीय कारमा सवार जयकिशनको साथमा खैरो हिरोइन

कैलालीमा लागूऔषधसहित प्रहरीले एक जनालाई पक्राउ गरेको छ । गोदावरी नगरपालिका–६ का २४ वर्षीय जयकिशन चौधरी १ सय ८० मिलिग्राम खैरो हिरोइनसहित समातिएका हुन् । 

इलाका प्रहरी कार्यालय मालाखेतीबाट खटिएको टोलीले उनलाई सोही नगरपालिका–९, बल्मीबाट नियन्त्रणमा लिएको हो । प्रहरीका अनुसार यूपी २० बीएम ६८०७ नम्बरको भारतीय कार जाँच गर्नेक्रममा चालक चौधरीको साथमा उक्त परिमाणको लागूऔषध फेला परेको बताइन्छ । 

पक्राउ परेका उनीमाथि थप आवश्यक अनुसन्धान भइरहेको प्रहरीले जानकारी दिएको छ ।