राष्ट्रिय स्वतन्त्र पार्टी (रास्वपा) ले सभापति तथा सांसद रवि लामिछानेलाई संसदीय दलको नेता चयन गर्न सिफारिस गरेको छ । आज पार्टी केन्द्रीय कार्यालय बसुन्धारामा बसेको केन्द्रीय समिति बैठकले सभापति लामिछानेलाई दलको नेता चयन गर्न सिफारिस गर्ने निर्णय गरेको प्रवक्ता मुकुल ढकालले जानकारी दिए ।
गत मंसिरको आमचुनावमा चितवन-२ बाट प्रतिनिधिसभा सदस्यमा निर्वाचित लामिछाने त्यसपछि रास्वपा संसदीय दलको नेता छानिएका थिए । तर, सर्वोच्च अदालतले उनको नागरिकता अवैध ठहर गरेसँगै सांसद पदसँगै दलको नेता पनि गुमेको थियो ।
१० वैशाखमा भएको उपनिर्वाचनमा चितवन-२ बाट पुन: सांसद जितेका लामिछानेलाई रास्वपाले दलको नेता बनाउन लागेको हो ।
