बालुवाटारस्थित ललिता निवासको जग्गा प्रकरणमा प्रहरीको केन्द्रीय अनुसन्धान ब्युरो (सीआइबी) ले गरेको अनुसन्धान फाइल सरकारी वकिलको कार्यालयमा पुगेको छ । सीआइबीले आफ्नो अनुसन्धान प्रतिवेदन फाइल भर्खरै कार्यालयमा हस्तान्तरण गरेको बताइएको छ ।
सीआईबीले ५७ दिन लगाएर गरेको अनुसन्धान प्रतिवेदन आज बुझाइएको छ । स्रोतका अनुसार दुई सय ५० जनाभन्दा बढीलाई उक्त प्रकरणमा प्रतिवादी बनाइएको छ ।
पूर्वमन्त्री विजय गच्छदारलगायत चार पूर्वमन्त्री, एक दर्जन सचिव र डेढ दर्जन सहसचिवलाई प्रतिवादी बनाइएको उक्त अनुसन्धानमा पूर्वप्रधानमन्त्रीद्वय माधवकुमार नेपाल र बाबुराम भट्टराईलाई भने प्रतिवादी नबनाइएको बुझिएको छ ।
