काठमाडौँमा सवारी चेकजाँच तीव्र, २४ घण्टामा डेढ हजार चालक कारबाहीमा
काठमाडौं उपत्यका ट्राफिक प्रहरी कार्यालयले ट्राफिक नियम उल्लङ्घन गर्ने चालकमाथि कारबाही अभियान तीव्र बनाएको छ ।
चाडपर्वमा हुनसक्ने सम्भावित सवारी दुर्घटनालाई रोक्न उपत्यकाका तीवटै जिल्लामा विशेष टोली परिचालन गरेर चेकजाँच र कारबाही तीव्र पारिएको कार्यालयले जनाएको छ । कार्यालयका अनुसार पछिल्लो २४ घण्टामा एक हजार ५२७ सवारी चालक कारबाहीमा परेका छन् ।
जसमध्ये मादक पदार्थ सेवन गरी गाडी चलाउँदा कारबाहीमा पर्नेको संख्या ७५ छ । त्यस्तै, लेन मिच्ने २१, रेड लाईट क्रस गर्ने १२, हर्न बजाउने १७, नम्बर प्लेट नराखी गाडी चलाउने १५, तीव्र गतिमा गाडी गुडाउने ३२१ जना कारबाहीमा परेका छन् । अन्य ट्राफिक नियम उल्लङ्घन गर्ने एक हजार ६६ जनालाई कारबाही गरिएको छ । साथै, कार्यालयले ट्राफिक नियम पालना गर्न सम्बन्धित सबैमा आग्रह गरेको छ ।
ट्रेन्डिङ पोस्ट
टिप्पणीहरू