कीर्तिपुरको कबाडी केन्द्रमा भिषण आगलागी

कीर्तिपुरको चोभारस्थित एक कवाडी संकलन केन्द्रमा आगो लागेको छ । कबाडी संकलन केन्द्र र बंगुर पालन गरिएको ठाउँमा आज बिहान आगलागी भएको हो ।  

काठमाडौँ महागरका सहायक निरीक्षक वसन्तकुमार श्रेष्ठका अनुसार आगो नियन्त्रणमा लिने प्रयास भैरहेको छ । आगलागी भएको स्थानमा जस्तापाताका टहराहरु बढी भएका कारण आगो नियन्त्रणमा लिन सहज नभएको उनले बताए । 

स्काभेटर मगाएर जस्तापाता  हटाउने र आगो नियन्त्रणमा लिने प्रयास गरिएको श्रेष्ठले जानकारी दिए । ‘यहाँ कवाडी, बंगुर पालन गरेको रहेछ । हामीले थाहा पाउने बित्तिकै आएर आगो नियन्त्रण लिँदैछौँ । नियन्त्रण पूरा भएको छैन । लगभग आधाआधा जति नियन्त्रणमा आइसकेको छ । जस्ता भएको कारणले निभाउन अलि अफ्ठ्यारो छ । स्काइभेटर बोलाएर निभाउने प्रयास गर्दैछौँ', उनले भने । 

अहिले तीनवटा दमकलसहित नेपाल प्रहरी, ससस्त्र प्रहरी र स्थानीय मिलेर आगो निभाउने प्रयास गरिरहेका छन् ।