राजमार्गबाट खसेको ट्रकमा चालक च्यापिए, सहचालक सकुशल

पृथ्वी राजमार्गको कृष्णभीरबाट खसेको ट्रकका चालक गम्भीर घाइते भएका छन् । वीरगञ्जबाट काठमाडौंतर्फ आइरहेको मधेश प्रदेश ०३–००२ख ०३१४ नम्बरको ट्रक राति राजमार्गबाट त्रिशुली नदीको किनारमा खसेको छ ।

ट्रकमा च्यापिएका चालकको उपचार भइरहेको प्रहरीले जनाएको छ । चालक बाराको गढीमाइ नगरपालिका १५ का २८ वर्षीय सुमन चौधरी हुन् । सहचालकको अवस्था सामान्य रहेको प्रहरीले जनाएको छ ।