साँझकाे क्याबिनेटअघि प्रधानमन्त्री कीर्तिपुर र गोदावरी पुग्दै

प्रधानमन्त्री केपी शर्मा ओलीको अध्यक्षतामा आज साँझ मन्त्रिपरिषद् बैठक बस्दैछ । साँझ ५ बजे प्रधानमन्त्री तथा मन्त्रीपरिषद् कार्यालय, सिंहदरबारमा क्याबिनेट बैठक राखिएको छ ।

प्रधानमन्त्री ओली बिहान त्रिभुवन विश्वविद्यालय, कीर्तिपुर जाँदै हुनुहुन्छ । उहाँ विश्वविद्यालयको वार्षिक साधारण बैठकमा भाग लिन बिहान ११ बजेको समयमा त्यहाँ पुग्ने कार्यक्रम रहेको बुझिएको छ ।

दिउँसो एडिआर वीक २०२४ उद्घाटनका लागि ललितपुरको गोदावरी पुग्दै हुनुहुन्छ । होटल भ्यू भृकुटीमा आयोजित उक्त सप्ताह आगामी चार दिनसम्म हुने बताइएको छ ।