पुलिसबाट जय ट्रफी खेल्ने टोली सार्वजनिक
नेपाल पुलिस क्लवले आगामी पुस २१ गतेदेखि शुरु हुने 'जय ट्रफी एलिट कप’ खेल्ने खेलाडीको नाम सार्वजनिक गरेको छ । राष्ट्रिय टिमका अनुभवी ब्याटर आरिफ शेखको कप्तानीमा १५ सदस्यीय टोली घोषणा गरिएको हो ।
टोलीमा कुशल भुर्तेल, गुल्शन झा, करन केसी, ललित राजवंशी, अमित श्रेष्ठ, दिलिप नाथ, श्रवण यादव, सुनिल दौल्यान, सागर ढकाल, शंकर राना, अविनाश कर्ण, राशिद खान, अर्जुन साउद र दिपक सेरेला रहेका छन् ।
क्यानका संस्थापक अध्यक्ष जयकुमार नाथ शाहको स्मृतिमा नेपाल क्रिकेट संघ (क्यान) ले आयोजना गर्ने प्रतियोगिता माघ ३ गतेसम्म जनकपुर र पर्सामा हुनेछ । चार टोलीले प्रतिस्पर्धा गर्ने यसपटकको प्रतियोगितामा राष्ट्रिय टिमका सबै खेलाडी सहभागी हुने छैनन् ।
पुलिस क्लबका नियमित कप्तान दीपेन्द्रसिंह ऐरी युएईमा हुने इन्टरनेशनल लिग ‘टी–२०’ मा सहभागी हुनेछन् । बागमती प्रदेशबाट सन्दीप लामिछानेको कप्तानीमा टोली सार्वजनिक गरिएको छ ।
ट्रेन्डिङ पोस्ट
टिप्पणीहरू