बञ्चरोले श्रीमती छप्काउने जीवन समातिए

सिन्धुपाल्चोकमा एक युवकले बञ्चरोले हानेर श्रीमतीको हत्या गरेका छन् । दाउरा चिर्ने विषयमा विवाद हुँदा श्रीमती २८ वर्षीया लक्ष्मी बस्नेत तामाङको उनले हत्या गरेका हुन् ।

श्रीमती हत्या गरेको आरोपमा बलेफी गाउँपालिका–१ ठाटिकुना वनकालीका ३२ वर्षीय जीवन तामाङलाई हिजो प्रहरीले नियन्त्रणमा लिएको छ ।

जिल्ला प्रहरी कार्यालयका अनुसार दाउरा चिर्ने विषयमा विवाद हुँदा जीवनले आफ्नै श्रीमतीलाई बञ्चरो प्रहार गरेका थिए । बञ्चरो प्रहारबाट गम्भिर घाइते भएकी लक्ष्मीको जिल्ला अस्पताल चौतारामा उपचारको क्रममा मृत्यु भएको हो ।