अवैध बिदेशी मुद्रासहित भारतीय नागरिक उड्नै लाग्दा

हिमालय एयरको जहाजबाट मलेशियाको क्वालालाम्पुर जान लागेका एक भारतीय नागरिक विमानस्थलबाट पक्राउ परेका छन् । हिजो राति ९ बजे एच९८९० नम्बरको उडानबाट मलेसिया जान लागेका उनलाई विमानस्थल प्रहरीले समातेको हो ।

पक्राउ पर्नेमा आरिश अरिस नाम गरेका भारतीय नागरिक छन् । क्वालालाम्पुर जानका लागि भि ४७१८४३६ नम्बरको पासपोर्ट बोकेका उनलाई लगेज एक्सरे गर्ने क्रममा ३८ हजार ९ सय मलेसियन रिङ्गेट फेला परेपछि समातिएको हो । हाल उनलाई थप अनुसन्धानको लागि महानगरीय प्रहरी कार्यलय गौशाला लगिएको प्रहरीले जनाएको छ ।