जुवाको खालबाट ४८ हजार बरामद, १ महिलासहित ५ पक्राउ

पर्वतमा जुवाको खालबाट पाँच जना समातिएका छन् । प्रहरी निरीक्षक राजेन्द्र अधिकारीको टोलीले कुश्माको दुर्लुङचोकस्थित मना श्रीसको घरमा जुवा खेलिरहेका उनीहरुलाई रंगेहात पक्रेको हो ।

खालबाट ४८ हजार एक सय सत्तरी रुपैयाँ बरामद गरिएको छ । उनीहरुविरुद्ध जुवा खेल्न नहुने मुद्दामा कारवाही प्रक्रिया अगाडि बढाइएको र जिल्ला प्रशासन कार्यालयबाट १० दिनको म्याद थप गरिएको प्रहरीले बताएको छ ।

पक्राउ परेका जुवाडेहरुमा स्थानीय ४५ वर्षे गंगाबहादुर मगर, जलजला गाउँपालिका घर भई कुश्मा बस्ने ५६ वर्षे देउबहादुर फगामी, कुश्मा बस्ने वर्ष ३५ की लक्ष्मी गौचन, जलजला गाउँपालिका घर भई कुश्मा बस्ने वर्ष ३० की जुनिमाया पुन र मोदी गाउँपालिका घर भई कुश्मा बस्ने वर्ष ४८ का गंगाबहादुर पुन हुन् ।