वीरगञ्जबाट गाँजा बोकेर राजधानी आएका युवक थानकोटमा भेटिए

प्रहरीले थानकोटको नागढुंगाबाट गाँजासहित एक युवकलाई नियन्त्रणमा लिएको छ । उनी आधा किलो गाँजासहित समातिएका हुन् ।

उनी पर्साको पर्सागढी नगरपालिका ९, बस्ने २५ वर्षीय मनोजकुमार हुन् । आज उनी पर्साबाट काठमाडौं आउँदै थिए । सोही क्रममा प्रहरीले वीरगञ्जबाट काठमाडौंतर्फ आइरहेको बा.प्र.०३–०१–००६ ख १५१७ नम्बरको बस र यात्रुको सामान चेक जाँच गर्दा उनको साथबाट गाँज फेला परेको हो ।

उनलाई महानगरीय प्रहरी प्रभाग नागढुंगाबाट खटिएको टोलीले पक्राउ गरि थप अनुसन्धान गरिरहेको छ ।