नवजात शिशुलाई फोहोरमा गुटुमुटु पारेर फालियो

काठमाडौंको मैतीदेवीमा नवजात शिशुको शव फेला परेको छ । स्थानीय रुद्रदेवी खोलाको छेउमा रहेको फोहोरको थुप्रोमा नवजात शिशुको शव फेला परेको हो । सालनालसहित भेटिएको उक्त शिशु बच्ची रहेको महानगरीय प्रहरी वृत्त, मालीगाँउले जनाएको छ ।

रातो पछ्यौराले छोपिएको अवस्थामा फोहोरको डंगुरमाथि भेटिएको नवजात शिशुको जन्म केही घण्टाअघि मात्र भएको प्रहरीले आशंका गरेको छ । सोबारे थप अनुसन्धान भइरहेको प्रहरीले बताएको छ ।

स्थानीयले खबर गरेपछि प्रहरीको टोली घटनास्थलमा पुगेको हो ।