नम्बर प्लेट नभएको कारमा ३० किलो गाँजा

नम्बर प्लेट नभएको कारको डिक्कीबाट ३० किलो गाँजा बरामद भएको छ । वीरगञ्ज महानगरपालिका २० स्थित हर्पतगञ्ज सडक खण्डमा सशस्त्र प्रहरी बलको चेक प्वाईन्टभन्दा ५० मेरटर अगाडिको सडकबाट गाँजा बरामद भएको हो ।

सशस्त्र प्रहरी बल २ नम्बर छिन्नमस्ता बाहिनी मुख्यालय महोत्तरीबाट खटिएको टोलीले गए राति कारको पछाडि राखिएको गाँजा बरामद गरेको र चालक कार छाडेर फरार भएको बताइन्छ । उक्त कारमा शंका लागी चेकजाँच गर्दा डिकीबाट १६ केजी र १४ केजीका पोकामा गाँजा फेला परेको हो । ती गाँजा दुईवटा रातो प्लाष्टिकमा टेपले बेरेर राखिएको थियो ।

सशस्त्र प्रहरी नायव निरीक्षक पाण्डवप्रसाद मैनालीको कमाण्डमा खटिएको टोलीले उक्त गाँजा र कार आज बिहान प्रहरीलाई बुझाएको छ ।