ग्यारेज फोरेर मोटरसाइकल चोरियो

ग्यारेजको ताल्चा फुटाएर मोटरसाइकल चोर्ने तीनजना समातिएका छन् । वीरगञ्ज महानगरपालिका–२७ का २४ वर्षीय मुन्ना अन्सारीको प्रदेश २–०३–००२ प ५९३७ नम्बरको मोटरसाइकल चोरेको आरोपमा उनीहरुलाई प्रहरीले समातेको हो ।

पक्राउ पर्नेमा काठमाडौं महानगरपालिका–१८, ठेगाना भएका ३४ वर्षीय कमल गिरी, चितवन भरतपुर महानगरपालिका–१५ का १९ वर्षीय निशान थापा र वीरगञ्ज महानगरपालिका–१५ का १८ वर्षीय एक किशोर रहेका छन् ।

वीरगञ्ज महानगरपालिका–१६ बसपार्कस्थित ग्यारेजको ताल्चा फुटाएर उनीहरुले उक्त मोटरसाइकल चोरेको प्रहरीले जनाएको छ ।

प्रहरीका अनुसार उनीहरू उपर चोरी कसूरमा आवश्यक अनुसन्धान भइरहेको छ ।