खाना नदिएको रिसमा छोराले आमालाई ठहरै बनाए

काठमाडौंको फोहोर फाल्ने नुवाकोटको ल्याण्डफिल्ड साइट ओखरपौवा नजिकै एक जना अधबैंशेले आमालाई कोदालो हानेर ठहरै बनाएका छन् । खाना नदिएको भन्दै उनले ६५ वर्षीया आमाको टाउकोमा कोदालो हानेका थिए ।

ककनी गाउँपालिका–१, नयाँवस्तीकी ६५ वषीया कान्छीमाया बलामीलाई उनकै छोरा ३३ वर्षीय भीमवहादुरले हत्या गरेका हुन् ।

खाना नदिएको झोंकमा मादक पदार्थ सेवन गरि राति भीमबहादुरले आमाका ज्यान लिएको नुवाकोट प्रहरीले जनाएको छ । प्रहरीले हत्यारा छोरालाई पक्रेर जिल्ला अदालत नुवाकोट समक्ष पेश गरेको हो ।