खुमलटारमा नेताहरुसँगको भेटपछि प्रचण्ड बालुवाटारमा
नेकपा माओवादी केन्द्रका अध्यक्ष पुष्कमल दाहाल प्रचण्ड खुमलटारस्थित आफ्नो निवासमा पार्टीका नेताहरुसँग भेटघाट गरेपछि प्रधानमन्त्री शेरबहादुर देउवासँग कुराकानी गर्न बालुवाटार पुग्नुभएको छ ।
अध्यक्ष दाहाल हिजो बिहान नेकपा माओवादी केन्द्रका नेताहरु नारायणकाजी श्रेष्ठ, शक्ति बस्नेत, कृष्णबहादुर महरा, देव गुरुङ र शिक्षामन्त्री देवेन्द्र पौडेललगायत झण्डै १२ जना पूर्वस्थायी समिति सदस्य र प्रदेश इञ्चार्जहरुको बैठक सकेपछि लगत्तै बालुवाटार जानुभएको हो ।
खुमलटारमा बिहान ८ बजेबाट १० बजेसम्म भएको उक्त बैठकपछि अध्यक्ष प्रचण्ड बालुवाटार स्थित प्रधानमन्त्री निवासमा पौने ११ बजे पुग्नुभएको थियो ।
बालुवाटारमा भने प्रधानमन्त्री देउवा र प्रचण्डसँगै अर्थमन्त्री जनार्दन शर्मा पनि भेटवार्तामा सहभागी हुनुभएको माओवादी केन्द्रका एक जना नेताले जानकारी दिएका छन् । उहाँहरुबीच झण्डै ४५ मिनेट कुराकानी भएको थियो ।
टिप्पणीहरू