सेलपे सेवाका थप नयाँ सुबिधाहरु

हाल विश्वभरी फैलिदै गरेको कोरोना भाईरस (कोविड १९) को महामारीबाट ‘आफु बचौं र अरुलाई पनि बचाऔं’ भन्ने सोचका साथ नेपाल सरकारबाट आम सर्वसाधारणलाई सामाजिक दुरी कायम गर्न र अत्यावश्यक कार्यका लागि बाहेक घरबाट बाहिर ननिस्कन जारी गरिएको निर्देशन बमोजिम नेपाल राष्ट्र बैंकबाट अनुमति प्राप्त भुक्तानी सेवा प्रदायक सेलकम प्रा. लि.को सेलपे सेवाले ग्राहकहरुको माग अनुरुप नयाँ सुविधाहरु थप गरेको छ । यस थप सुविधाबाट आफ्ना ग्राहकहरुलाई सामाजिक दुरी कायम गर्नुका साथै आफ्नो आवश्यक रकमको भुक्तानीमा सहजता पुग्ने कम्पनीले विश्वास लिएको छ ।

ग्राहकहरुले सजिलै सेलपे मोबाईल वा वेब एप्लीकेशन प्रयोग गरी सहज रुपमा सेलपेसँग आबद्ध भएका बिभिन्न बिमा कम्पनीको बिमा रकम भुक्तानी र स्याकार इन्भेस्ट्मेण्ट कम्पनीका EMI भुक्तानी गर्न सकिन्छ । साथै ग्राहकले आफुले पठाएको रकम प्रापकले सिटी एक्स्प्रेस मनी ट्रान्स्फरको नेपालभरीका आफुलाई पायक पर्ने रेमिटेन्स एजेण्ट कहांबाट प्राप्त गर्न सकिन्छ ।

देशभित्र कुनैपनि ठाउँमा सजिलै पैसा पठाउनका लागि ग्राहकहरुले रेमिट्यान्स आइकनमा क्लिक गरी आफ्नो इच्छा अनुरुप सिटी एक्स्प्रेस मनी ट्रान्स्फर एजेन्ट छनौट गरे पश्चात पठाउन चाहेको रकम सजिलै पठाउन सक्नेछन् । यसरी पैसा पठाईसकेपछि प्रेषकले आफ्नो सेलपे एप्पमा एउटा Unique ID प्राप्त गर्नेछन् र त्यस Unique ID प्रेषकले प्रापकलाई दिनु पर्नेछ र प्रापकले देशैभरी रहेका सिटी एक्स्प्रेस मनी ट्रान्स्फरका रेमिट्यान्स एजेन्ट मध्ये तोकिएको एजेन्टको कार्यालयमा गई उक्त Unique ID देखाएर सहजतका साथ पैसा प्राप्त सक्ने कम्पनीले जनाएको छ ।

सेलपेका ग्राहकहरुले सेलपे एप्पमा गई हालै नयाँ थपिएका आइकन EMI र इन्सुरेन्समा क्लिक गरी आफ्नो आवश्यकता अनुसारको सेलपेसँग आबद्ध भएका कम्पनीको लोगो छनौट गरी सजिलै आफ्नो आवश्यकता अनुरुप रकम भुक्तानी गर्न सक्ने भएको छ ।

सेलपेद्धारा विभिन्न दुरसंचार सेवा, विजुली, खानेपानी, टिभी, इन्टरनेटको महशुल भुक्तानी, विभिन्न पसल, रेष्टुरेण्टमा भुक्तानी, एक बैंक खाताबाट अन्य बैंक खातामा रकम स्थानान्तरण, स्वदेशभित्र गरिने मनी ट्रान्सफर, P2P, P2B, B2P, B2B आदि वास्तविक समयमा गर्न सकिन्छ । यस सेवा मार्फत हुने सम्पूर्ण कारोबार बैंकिङ प्रणाली मार्फत सम्पन्न हुनेछ र सेलपे सेवासंग आबद्ध भएका बैंकहरुका ग्राहकहरुले सहज रुपमा यो सेवा लिन सक्ने बताएको छ ।

सेलपे सेवा गुगल प्लेस्टोर तथा एप्पल एप्पस्टोरमा उपलब्ध छ । सेलपे सेवा मोबाइल तथा वेब एप्लीकेशन दुबै माध्यमबाट उपयोग गर्न सकिने अत्यन्त द्रुत, सरल तथा सुरक्षित सेवा हो ।