भक्तपुरमा आइतबार बिदा नदिने, पहिलेझैँ शनिबार मात्रै

भक्तपुर नगरपालिकाले सरकारले हप्ताको दुई दिन बिदा दिने निर्णय कार्यान्वयन नगर्ने भएको छ । नगरपालिकाको शिक्षा शाखाले आज सबै विद्यालयलाई साबिकझैँ शनिबार मात्र विद्यालय बन्द गर्न निर्देशन दिएको हो ।सबै सामुदायिक तथा संस्थागत विद्यालयलाई लेखिएको पत्रमा भनिएको छ, ‘नेपाल सरकार, गृह मन्त्रालयको सूचनाअनुसार २०७९ जेठ १ गतेदेखि लागू हुनेगरि हप्तामा दुई दिन प्रत्येक शनिबार र आइतबार बिदा दिने निर्णय भए तापनि भक्तपुर नगरपालिकाबाट अर्को सूचना जारी नभएसम्मको लागि साविकबमोजिम नै विद्यालय सञ्चालन गर्न र गराउनुहुन अनुरोध छ ।’