टोखामा एमाले उम्मेदवार झिनो मतले प्रमुखमा विजयी, उपप्रमुखमा काँग्रेस

टोखा नगरपालिकाको मेयरमा नेकपा (एमाले) का उम्मेदवार प्रकाश अधिकारी झिनो मतान्तरले निर्वाचित भएका छन् । उनले नेपाली काँग्रेसकी उम्मेदवार रजनी थापालाई १७४ मतले पराजित गरेका हुन् ।

अधिकारीले १० हजार ३४० मत प्राप्त गर्दा थापाले १० हजार १६६ मत ल्याएकी हुन् ।

उपमेयरमा काँग्रेसका उम्मेदवार मुरारी तामाङ निर्वाचित भएका छन् । उनले एमालेका उम्मेदवार ज्ञानमाया डंगोललाई पराजित गरेका हुन् । डंगोल यसअघि उक्त नगरपालिकामा उपप्रमुख थिइन् ।