आफ्नो सबै सम्पत्ति राज्यको नाममा रहेको एमाले अध्यक्षको दाबी

एमाले अध्यक्ष तथा संसदमा प्रमुख विपक्षी दलका नेता खड्गप्रसाद शर्मा ओलीले आफ्नो नाममा व्यक्तिगत सम्पत्ति नभएको बताउनुभएको छ । आज संसदमा बोल्दै उहाँले उक्त कुरा बताउनुभएको हो ।

आगामी आर्थिक वर्षको वार्षिक नीति तथा कार्यक्रममाथि धारणा राख्ने क्रममा आज प्रतिनिधिसभा बैठकमा बोल्दै उहाँले अघिल्लो आफ्नो नेतृत्वको सरकारको कुनै गल्ति र कमजोरी फेला नपारेपछि विरोधीले अनेक किस्सा जोडेर प्रचार गरेको आरोप लगाउनुभएको हो । ‘कहिँ कतै गल्ति नभेटेर बालुवाटार काण्ड जबर्जस्ती उठाइयो । केपीसँग अर्बौं रुपैयाँ भएको हल्ला पिटाउँदै एक टेलिभिजनमा चर्चा गरियो,’ भन्दै उहाले खण्डन पनि गर्नु भएको छ ।

खण्डन गर्ने क्रममा ओलीले भन्नुभयो, ‘यदि मेरो सम्पत्ति रहेछ भने आजै र अहिले नै सरकारको नाममा गरिदिए हुन्छ । मेरा सारा सम्पत्ति राज्यको नाममा छ ।’