तारा एअरको ब्ल्याक बक्ससँगै अर्को शव पनि भेटियो

मुस्ताङको थासाङ गाउँपालिका–२ सानुसरेमा अस्ति बिहान भएको तारा एअरको विमान दुर्घटनामा ज्यान गुमाएका २२ जनाकै शव भेटिएको छ । तीन जना चालक दलका सदस्य र १९ यात्रु लिएर पोखराबाट जोमसोमका लागि उडेको विमान दुर्घटनामा सबैको मृत्यु भएको थियो ।

मुस्ताङका प्रमुख जिल्ला अधिकारी नेत्रप्रसाद शर्माका अनुसार दुर्घटनास्थलमा ब्ल्याकबक्ससमेत भेटिएको छ । हिजो फेला नपरेको अर्को शव र दुर्घटनास्थलमा भेटिएका अन्य सामानसहित उद्धारमा खटिएका सबै सुरक्षाकर्मी त्यहाँबाट फिर्ता भएका छन् ।

कोबाङमा ल्याइएका १२ शवलाई केही बेरपछि नेपाली सेनाको हेलिकप्टरमा काठमाडौँ पठाउने तयारी गरिएको छ । थासाङ गाउँपालिकाको केन्द्र कोबाङबाट घटनास्थल पुग्न चार घण्टा उकालो हिँड्नुपर्छ ।