कबड्डी ४’ की नायिकाविरुद्ध मूर्दावादको नारा,पोष्टर जलाइयो

चलचित्र ‘कबड्डी–४’ की नायिका मिरुना मगरले सार्वजनिक रुपमा माफी माग्नुपर्ने मागसहित आज चाबहिलस्थित केएल टावर अगाडि प्रदर्शन भएको छ । नायिका मगरले निर्दोषलाई फसाउन खोजेको भन्दै युवाहरुको एक समूहले प्रदर्शन गरेको हो ।

चलचित्रको प्रमोशनका लागि गएका बेला फुर्वा लामा नामक एक युवाले आफूमाथि अभद्र व्यवहार गरेको भन्दै मगरले थुनाएकी थिइन् । उनीविरुद्ध प्रहरीले अभद्र व्यवहारमा अनुसन्धान गरिरहेको छ ।

पक्राउ परेका लामाको रिहाइ तथा नायिका मगरले सार्वजनिक रुपमा माफी माग्नुपर्ने माग गर्दै प्रदर्शनकारी सडकमा उत्रिएका हुन् ।

प्रदर्शनकारीले नायिका मगर अभिनित चलचित्र ‘कबड्डी ४’को प्रदर्शन रोक्न पनि माग गरेका छन् । युवाहरूले फिल्मको पोष्टरसमेत जलाएका छन् ।