तालिममा आएका जनप्रतिनिधिलाई माओवादीको रात्रिभोज

पार्टीले आयोजना गरेको तालिम (प्रशिक्षण) मा भाग लिन काठमाडौँ आएका माओवादी केन्द्रबाट निर्वाचित स्थानीय तहका जनप्रतिनिधिहरुलाई आजको डिनर ललितपुरमा व्यवस्था गरिएको छ । कुपण्डोलको उकालो नजिकै रहेको हिमालय होटलमा जनप्रतिनिधिहरुलाई खानपिनको व्यवस्था मिलाइएको हो ।

कमलपोखरीस्थित कुमारी हलमा दिनभरि अध्यक्ष प्रचण्डसहितका शीर्ष नेताहरुबाट प्रशिक्षण लिएर जनप्रतिनिधिहरु साँझ सात बजे डिनर खान हिमालय होटलमा आइपुगी राति ९ बजेसम्म खानपिन कार्यक्रम चल्ने बताइएको छ ।

वैशाख ३० मा सम्पन्न स्थानीय निर्वाचनमा माओवादीले १२१ स्थानीय तहको प्रमुख र १२८ उपप्रमुख जितेको छ । अघिल्लो चुनावमा जितेका ५० प्रतिशत पालिका यसपटक गुमाएपछि माओवादीले नयाँ निर्वाचितहरुलाई शासकीय शैली,सत्ता सन्चालनलगायतका विषयमा तालिम दिएको हो ।