तारा एअरका विमानलाई एक हप्ता उड्न नदिइने

पोखराबाट जोमसोमका लागि उडेको तारा एयरको विमान आइतबार दुर्घटनामा परेपछि उक्त कम्पनीको उडान एक हप्ताका लागि स्थगित गरिएको छ । यति एयरका अनुसार भोलिदेखि जेठ २७ गते सम्मका लागि पोखरा–जोमसोम–पोखरा रुटको उडान स्थगित गरिएको हो ।

आइतबार भएको दुर्घनामा १९ जना यात्रुसहित २२ जनाको मृत्यु भएको थियो । दुर्घटनामा परी ज्यान गुमाउनेहरूको शव आज आफन्तलाई बुझाइएको छ । विमान दुर्घटनाका विषयमा जाँचबुज गर्न सरकारले छानबिन समिति गठन गरिसकेको छ । आयोगलाई घटनाको कारण र आगामी दिनमा दुर्घटना हुन नदिन चालिनुपर्ने कदमबारे सुझाव दिन कार्यादेश सरकारले दिएको छ ।