तनहुँमा चितुवाको आक्रमण, बालिका घाइते
चितुवाको आक्रमणबाट तनहुँमा बालिका घाइते भएकी छन् । बन्दीपुर गाउँपालिका–४ टावरमा हिजो साँझ बालिका चितुवाको आक्रमणबाट घाइते भएकी हुन् ।
चितुवाले आठ वर्षीया रियाना थापामाथि आक्रमण गरेको हो । जिल्ला प्रहरी कार्यालयका अनुसार घाइते बालिकाको डुम्रेस्थित मेडिकल कलेजमा उपचार भइरहेको छ ।
चितुवाले बालिकाको घाँटीमा चिथोरेको थिया । खतरामुक्त अवस्थामा रहेकी बालिकाको उपचार भइरहेको छ ।
बजारबाट घर जाँदै गरेका बाबुआमा भएकोतर्फ दौडिँदै गएकी बालिकालाई चितुवाले आक्रमण गरेको थियो । पछि बाबुआमा पुग्नेबितिक्कै चितुवा भागेको बताइन्छ ।
ट्रेन्डिङ पोस्ट
टिप्पणीहरू