भरतपुर अस्पतालमा बिरामीलाई टिकट निःशुल्क

चितवनको भरतपुर अस्पतालले आजदेखि सम्पूर्ण सेवाग्राहीका लागि ओपिडी टिकट निःशुल्क गरेको छ । अस्पताल विकास समितिको निर्णयअनुसार आजबाट ओपिडी टिकट निःशुल्क गरिएको हो । स्वास्थ्य परीक्षण गर्न आउनेले अब टिकटवापत कुनै शुल्क तिर्नुपर्ने छैन ।अस्पतालले अति गरिब, बेवारिसे, विपन्न तथा सीमान्त समुदायको निःशुल्क उपचार भइरहेको जानकारी दिँदै जारी गरेको विज्ञप्तिमा भनिएको छ, ‘अति गरिब, बेवारिसे, विपन्न तथा सीमान्त समुदायलाई अस्पतालको आकस्मिक कक्षमासमेत टिकट र उपचार निःशुल्क भइरहेको जानकारी गराउँदछौं’, विज्ञप्तिमा भनिएको छ ।

स्वास्थ्य सेवामा सबैको सहज पहुँच पुर्याउने उद्देश्यले यो निर्णय गरिएको अस्पतालले जनाएको छ ।