विप्लवसहितका नेतालाई अदालतको ३५ दिने पुर्जी

एकीकृत जनक्रान्तिको नाममा अर्को विद्रोह गर्ने भन्दै गठित नेपाल कम्युनिष्ट पार्टी (नेकपा) का महासचिव नेत्रविक्रम चन्द “विप्लव’ सहित धेरै नेताविरुध्द पक्राउ पुर्जी जारी भएको छ । ललितपुर जिल्ला अदालतले उनीहरूको नाममा त्यस्तो आदेश गरेको हो ।

अदालतले विप्लवसहित खड्गबहादुर विश्वकर्मा ‘प्रकाण्ड’, मोहनबहादुर कार्की,टेकबहादुर केसी,भरतबहादुर बम,पदमबहादुर राई,सन्तोष बुढामगर,नवीन विश्वकर्मा,उदयबहादुर चलाउने लगायत नेताहरूविरुद्ध विभिन्न कसुर गरेको जनाउँदै ३५ दिनभित्र अदालतमा उपस्थित हुन भनेको छ ।

तोकिएको समयभित्र उपस्थित नभए मुलुकी फौजदारी कार्यविधि संहिता, २०७४ को दफा ६५ बमोजिम हुने पुर्जीमा उल्लेख छ ।