बाबुराम लगालग खुमलटारमा, माओवादीका तीन नेता साक्षी
पूर्वप्रधानमन्त्री तथा नवगठित नेपाल समाजवादी पार्टी (नेसपा)का अध्यक्ष डा.बाबुराम भटराईले नेकपा (माओवादी केन्द्र) का अध्यक्ष पुष्पकमल दाहाल प्रचण्डसँग आज पनि भेटवार्ता गर्नुभएको छ । समाजवादी केन्द्र गठन गरी साझा चिन्हमा चुनाव लड्ने प्रस्ताव गर्दै आउनुभएका भट्टराईले आज बिहानै खुमलटार पुगेर प्रचण्डसहित माओवादी नेताहरुलाई भेट्नुभएको हो।
अध्यक्षद्वयको भेटमा माओवादी नेताहरु वर्षमान पुन,अर्थमन्त्रीसमेत रहेका जनार्दन शर्मा र सुदूरपश्चिम प्रदेशका मुख्यमन्त्री त्रिलोचन भट्ट पनि सहभागी थिए । बिहान सवा आठ बजे खुमलटार पुग्नुभएका भट्टराई पौने नौ बजेको हाराहारीमा त्यहाँबाट बाहिरिनुभएको बताइएको छ ।
जसपाबाट निकालिएपछि नेसपा गठन गर्नुभएका भटराई आगामी निर्वाचनमा माओवादीसँग तालमेल गर्ने पक्षमा हुनुहुन्छ । यसअघि पनि उहाँले पटक-पटक प्रचण्डसँग कुराकानी गरिसक्नुभएको छ ।
ट्रेन्डिङ पोस्ट
टिप्पणीहरू