सक्कली किसान अनुदानको आशमा, नक्कली किसान अनुदानको रासमा

बोल्नेको पिठो बिक्छ,नबोल्नेको चामल पनि बिक्दैन भन्ने उखानले   दाङ घोराहीका एक किसानको जीवनसङ्ग मेल खाएको छ।

१२ बर्षदेखि आफ्नै गाउँमा केही गर्नुपर्छ । कृषिमा क्रान्ति गर्नुपर्छ भन्दै मौरीपालन सुरुवात गरेका घोराही १६ का मेघ सुनारले आजसम्म पनि एक रुपैयाँ अनुदान नपाएको दाबी गरेका छन् ।

"मौरी पालन व्यवसायमा लागेको छु। हरेक कुरा आफ्नै लगानीबाट गर्दै छु । तर,मलाई पालिकाले अहिलेसम्म पनि देखेन " सुनारको गुनासो छ।

अरु नक्कली किसानले अनुदान पाउँदा आफूले केही नपाएकोमा उनले दु:ख व्यक्त गरेका छन् ।

"हामीले होइन वडाले छानेर पठाउने हो । वडाले नाम टिपाएअनुसार हेरेर अनुदान उपलब्ध गराएका छौं । किसानहरु धेरै छन् । सबैको चित्त बुझाउन नसकिएला,सकेको गरेकै छौं,आएर हेर्दा हुन्छ ।"घोराही उप-महानगरपालिकाका नगर प्रमुख नरुलाल चौधरीले जनआस्थालाई  बताउनुभयो ।