गृहमन्त्री प्रहरी हेडक्वार्टर जानुअघि पार्किङको सूचना

उपप्रधान तथा गृहमन्त्री रवि लामिछानेले आज नेपाल प्रहरी हेडक्वार्टर नक्साल भ्रमण तथा निरीक्षण गर्ने कार्यक्रम राखिएको छ । मन्त्रीको भ्रमणमा उपत्यकास्थित सबै प्रहरी कार्यालयका हाकिमहरु नक्साल जाने भएपछि सवारी साधन पार्किङको व्यवस्था मिलाइएको जानकारी दिइएको छ ।

चार पाङ्ग्रे सवारी साधनमध्ये प्रहरी नायव महानिरीक्षक र सोभन्दा माथिका प्रहरी अधिकृतहरुले प्रयोग गर्ने गाडीलाई अडिटोरियम हलको बेसमेन्टमा पार्किङ छुट्टयाइएको छ । अन्यको हकमा एलिस व्याङ्क्वेट गैह्रीधारामा सवारी साधन राख्न भनिएको छ । 
दुई पाङ्ग्रेको हकमा नारायणचौरस्थित सत्य साई केन्द्र अगाडि र बालमन्दिरभित्र पार्किङ गर्ने व्यवस्था मिलाइएको छ । सोमबार गृहमन्त्रीको शपथ लिएका रविले हिजो पुल्चोकस्थित मन्त्री क्वार्टर सरेर नेपाली सेनाको सलामी लिएका थिए । 

आज भने प्रहरी प्रधान कार्यालयको निरीक्षण गर्न लागेका हुन् ।