अभिनन्दन थाप्न पूर्वराजा ज्ञानेन्द्र सपरिवार नेपालगञ्जमा, सुरक्षाको जिम्मा शिवसेनाले लिने
पूर्वराजा ज्ञानेन्द्र शाहको बाँकेको नेपालगञ्जमा जय जयकारसहित नागरिक अभिन्दन गरिने भएको छ । आगामी सोमबार बागेश्वरी मन्दिरमा महाआरती उतारिने र त्यसको पर्सिपल्ट २० गते रामलीला मैदानमा भव्य कार्यक्रमका बीच नागरिक अभिनन्दन गर्ने कार्यक्रम रहेको नेपाल शिव सेना परिवारले जनाएको छ ।
नागरिक अभिनन्दन र पूर्वराजपरिवार सहभागी हुने नेपालगञ्जका सबै कार्यक्रमको सुरक्षाको जिम्मा आफूहरुले लिने शिवसेनाले निर्णयसमेत गरेको छ । त्यसका लागि सुरक्षा समिति बनाइएको शिवसेनाले २३ सदस्यीय उपसमिति गठन गरेको जानकारी पनि दिएको छ ।
नागरिक अभिनन्दनमा सहभागी हुन पूर्वराजा ज्ञानेन्द्र सपरिवार आज नेपालगञ्ज पुगिसकेका छन् । बुद्ध एयरको उडान नम्बर बिएचए–४०७ बाट पूर्वराजा ज्ञानेन्द्र, पत्नी कोमल, बुहारी हिमानी शाहसहित छ जना आज साँझ नेपालगञ्ज ओर्लिएको शिव सेना परिवारले बताएको छ ।
पूर्वराजपरिवारका सदस्यहरु नेपालगञ्जको भुजहीस्थित होटल सोल्टीमा बसेको बस्नुभएको छ ।
टिप्पणीहरू