कसैले आँट नगरेपछि मैले निर्णय गरेको हुँ : खेलकुदमन्त्री लिम्बू

हिजो नियुक्त भएपछि आज मन्त्रालयमा पदबहाली गरेका युवा तथा खेलकुद मन्त्रीले कसैले पनि उक्त मन्त्रालयको जिम्मेवारी लिन आँट नगरेपछि आफू पछि नहटेको बताउनुभएको छ । अपरान्ह मन्त्रालयमा पदबहाली गरेपछि उहाँले उक्त कुरा उल्लेख गर्नुभएको हो ।

काँग्रेसबाट कोही पनि उक्त मन्त्रालयको मन्त्री बन्न तयार नभएपछि आफूले निर्णय लिएको उहाँको दाबी छ । केही गरेर देखाउने विश्वासका साथ खेलकुद मन्त्रालय रोजेको उहाँको भनाइ छ । 

मन्त्री लिम्बूले विभिन्न नीतिगत अस्पष्टताको समाधानका लागि आफूले समन्वयकारीको भूमिका निभाउने वचन दिनुभएको छ । बजेट कम भएकाले तत्काल प्रधानमन्त्री र अर्थमन्त्रीलाई भेटेर उक्त कार्य सम्पन्न गर्ने मन्त्रीको दृढता छ ।