चीनले कम्प्युटर चिपको दुई धातुमा कटौति गरेपछि अमेरिकी अर्थमन्त्री बेइजिङमा
अमेरिकी अर्थमन्त्री जेनेट येलेन चीन भ्रमणको क्रममा राजधानी बेइजिङ पुगेकी छन् । विदेशमन्त्री एन्टोनी ब्लिन्क चीन पुगेको तीन साता नबित्दै अर्थमन्त्री येलेन बेइजिङ गएकी हुन् ।
विश्वका दुई ठूला अर्थतन्त्रबीचको चिसिँदै गएको सम्बन्धलाई न्यानो बनाउन अमेरिकी अधिकारीहरुको एकपछि अर्को भ्रमण भएको हो । अमेरिकाले ताइवान र युक्रेन मामिलादेखि राष्ट्रिय सुरक्षा, व्यापार विवाद निकालेपछि चीन रुष्ट हुँदै आएको छ ।
यता चीनले पनि अमेरिकालाई कम्प्युटर चिप बनाउन प्रयोग हुने दुई प्रमुख धातुहरु ग्यालियम र जेर्मानियमको निर्यातमा कटौती गर्ने घोषणा गरेपछि अमेरिकी अर्थमन्त्री बेइजिङ पुगेको बताइन्छ ।
पछिल्लो तथ्याङ्क अनुसार सन् २०२२ मा अमेरिकाले चीनबाट पाँच खर्ब ३६ अर्ब अमेरिकी डलर बराबरको सामान आयात गरेको थियो । त्यसैगरी चीनले अमेरिकाबाट जम्मा एक अर्ब ५४ करोड डलरको वस्तु आयात गरेको देखिन्छ ।
टिप्पणीहरू