कतारी अधिकारीहरु मध्यरात काठमाडौं ओर्लिए,हात्तीको छावा लैजाने तारतम्य

आगामी साता हुन लागेको कतारी अमिर अरि शेख तमिम बिन हमाद अल थानीको दुई दिने राजकीय भ्रमणको तयारी थालिएको छ । भ्रमणको पूर्व तयारीका लागि गएराति दुई जना कतारी अधिकारी बैंकक हुँदै काठमाडौं आएका छन् ।

थाइ एअरवेजको उडान नम्बर टिजी ३१० मा राति पौने १२ बजे त्रिभुवन अन्तर्राष्ट्रिय विमानस्थलमा आइपुगेको टोलीमा युसुफ अहमद वाइबी अलसायद र अब्दुल्ला मोहम्मद सिद्धिक क्युएस अल इमादी रहेको बुझिएको छ ।

यसअघि सोमबार पनि सोही उद्देश्यका लागि २२ जना कतारी अधिकारीहरु दोहाबाट सोझै काठमाडौं आएका थिए । 

कतारका अमिरलाई नेपाल सरकारले हात्तीका दुई वटा बच्चा (छावा) उपहार दिने तयारी हुँदैछ ।