कारागार प्रशासकको निवासमा घुस एक लाख, स्रोत नखुलेको ५० हजार नगद

कारागार कार्यालय नवलपरासी (बर्दघाट सुस्ता पश्चिम) मा कार्यरत कारागार प्रशासक विनोदकुमार दत्त घुससहित पक्राउ परेका छन् । 

अख्तियार दुरुपयोग अनुसन्धान आयोगको टोलीले उनलाई एक लाख रुपैयाँ घुससहित नवलपरासीमा रहेको कारागार प्रशासक निवासबाटै नियन्त्रणमा लिएको बताइएको छ । 

काम गरेबापत पाउने सेवासुविधा दिन सहजीकरण गरिदिने भनी सेवाग्राहीसँग घुस मागेको उजुरीका आधारमा आयोगको टंगालबाट खटिएको टोलीले उनलाई घुस÷रिसवत लिइसकेको अवस्थामा फेला पारेको हो । 

दत्तको साथबाट स्रोत नखुलेको ५० हजार रुपैयाँ पनि अख्तियारले बरामद गरेको छ । उनीमाथि आवश्यक अनुसन्धान भइरहेको छ ।