खेल मैदानको भुक्तानीपछि इञ्जिनियरले बुझेका थिए एक लाख घुस
![खेल मैदानको भुक्तानीपछि इञ्जिनियरले बुझेका थिए एक लाख घुस](https://janaaastha.prixacdn.net/media/albums/pakrau_UfrUyqPotC.jpg)
घुससहित पक्राउ परेका ताप्लेजुङको फुङलिङ नगरपालिकाका इञ्जिनियर मोहम्मद अख्तर हुसैनविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले विशेष अदालत काठमाडौंमा आज उनीविरुद्ध मुद्दा दर्ता गरेको छ ।
आयोगको इटहरीबाट खटिएको टोलीले गत असार १७ गते उनलाई एक लाख रुपैयाँ घुससहित नियन्त्रणमा लिएको थियो । अनुसन्धानको क्रममा खेल मैदान निर्माण कार्य सम्पन्न भएपछि भुक्तानी गर्ने क्रममा सेवाग्राहीसँग घुस बुझेको खुल्न आएको आयोगले जनाएको छ ।
आयोगले भ्रष्टाचार निवारण ऐन, २०५९ को दफा ३ बमोजिम एक लाख रुपैयाँ बिगो कायम गरी कैद र जरिवाना हुन मागदाबीसहित आरोपपत्र दायर गरेको हो ।
टिप्पणीहरू