ताप्लेजुङमा गोल्ड कप फुटबल, दुई दिनमा साढे तीन लाख आम्दानी

दोस्रो ताप्लेजुङ गोल्ड कप २०८१ को सेमिफाइनलमा सिरहाको सलहेश युवा क्लब पुगेको छ । दोस्रो दिनको क्वार्टरफाइनल खेलमा पाँचथर फुटबल क्लबलाई शून्यका विरुद्ध एक गोल गरेर सलहेशले सेमिफाइनलको यात्रा तय गरेको छ ।

हिजोको खेलमा जय गुरुङले गरेको गोल नै सिरहाको लागि बरदान बनेको हो । दोस्रो ताप्लेजुङ गोल्ड कप २०८१ मा संघर्ष स्पोर्टिङ क्लब ताप्लेजुङ र सलहेश युवा क्लब सिरहा सेमीफाइनलमा पुगेका छन् । अब हुने दुई वटा क्वार्टरफाइनल खेलबाट चार टिम सेमीफाइनलमा पुग्ने छन् । फाइनल खेल भदौ १० गते हुने छ ।

क्वाटरफाइनलका खेलमा टिकटको मूल्य एक सय तोकिएको थियो । टिकट बिक्रीबाट पहिलो दिन दुई लाख २० हजार र दोस्रो दिन एक लाख ३५ हजार एक सय आम्दानी भएको आयोजकले जानकारी दिएको छ । सेमिफाइनलका लागि टिकटको मूल्य दुई सय तोकिएको छ ।