रवि लामिछानेहरुलाई अदालत लगियो, आजै आदेश आउने सम्भावना
पोखराको सूर्यदर्शन सहकारी ठगी मुद्दामा राष्ट्रिय स्वतन्त्र पार्टी (रास्वपा)का सभापति रवि लामिछानेसहितका प्रतिवादीको थुनछेक बहस सकिएको छ ।
कास्की जिल्ला अदालतका न्यायाधीश नितिज राईको इजलासमा आज सरकारी वकिलले जवाफी बहस गरेसँगै थुनछेक बहस सकिएको हो । सरकारी वकिल कार्यालयको तर्फबाट न्यायाधिवक्ता कमला काफ्ले र सहन्यायाधिवक्ता गोविन्दराज गौलीले आज बहस गरे ।
अहिले सहकारी ठगीमा प्रतिवादी बनाईएका ४४ मध्ये पक्राउ परेका लामिछानेसहित सातै जनालाई जिल्ला अदालत लगिएको छ । न्यायाधीश राईले उनीहरुलाई आफ्ना कुरा राख्न समय दिएका छन् ।
अदालत स्रोतका अनुसार आज साँझसम्म थुनछेक आदेश आउने सम्भावना छ ।
गोर्खा मिडिया नेटवर्क प्रालिका अध्यक्ष जिबी राई, तत्कालीन संचालक छविलाल जोशी बन्जाडे, प्रवन्ध निर्देशक लामिछानेलगायतलाई सहकारी ठगीसहित सम्पत्ति शुद्धीकरण र संगठित अपराधमा मुद्दा चलाइएको छ । गत पुस १६ गतेदेखि मुद्दामा थुनथेक बहस भइरहेको छ ।
टिप्पणीहरू