डिभोर्सअघि डाक्टरले श्रीमतीलाई अनेक यातना दिएको खुलासा

रुपन्देहीको निर्वाचन क्षेत्र नम्बर ३ मा हुन लागेको उपनिर्वाचनमा राष्ट्रिय स्वतन्त्र पार्टीबाट उम्मेदवार बनेका डा. लेखजंग थापाको व्यक्तिगत जीवन यतिखेर विवादको केन्द्रबिन्दुमा छ । थापाले कान्छी श्रीमती नुमा शर्मालाई शारिरिक र मानसिक यातना दिँदै डिभोर्सका लागि बाध्य पारेको खुलासा भएको छ । 

शर्माका थापाले घरेलु हिंसा मात्र गरेएका थिएनन् छोराको पालनपोषण र घर व्यवस्थामा समेत दुरुपयोग गरेको आरोप लगाएकी थिइन् । ‘उहाँले शारिरिक र मानसिक यातना दिइ बाध्य भई स्वतन्त्र बस्नुपर्यो,’ शर्माले अदालतमा पेश गरेको फिरादपत्रमा लेखजंगले पारिवारिक जिम्मेवारी कहिल्यै ननिभाएको उल्लेख छ।

नियमानुसार सम्बन्ध विच्छेद गर्दा सम्पत्ति पाउने व्यवस्था भए पनि नुमाले कुनै सम्पत्ति नपाएको बताएकी छन् । छोराको पालनपोषण, शिक्षा र उसको अधिकार लेखजंगकै जिम्मामा रहेको भनेपछि उनी उक्त सुविधाबाट वञ्चित भएकी हुन् ।

अर्कोतर्फ बहुविवाहको आरोपपछि थापाले सामाजिक सञ्जालमा अदालती कागजात सार्वजनिक गर्दै आफूले कुनै गैरकानुनी सम्बन्ध नराखेको दावी गरेका छन् । तर फिराद पत्रमा आफू अनुकूल वाक्य मात्र देखाएर बाँकी भागलाई मधुरो (ब्लर) गरेका छन्।

स्रोतका अनुसार, ‘वास्तविकता कसैलाई थाहा नहोस् भनेर पत्र ब्लर गरेर सार्वजनिक गरिएको हो ।’ मुद्दा नम्बर ०७९-सिपी-१४११ रहेकोमा जिल्ला अदालत रुपन्देहीका न्यायाधीश उमेर कोइरालाको इजलासबाट २०७९ माघ १५ गते लेखजंग र नुमाबीच डिभोर्स भएको हो । लेखजंगले पहिलाे श्रीमतीसँग डिभाेर्स गरेर मात्र दाेश्राे विहे गरेकाे दावी गरे पनि नुमासँगकाे डिभाेर्स पत्रले भने बहुविवाहकाे विषयलाई नै थप उजागर गरेकाे देखिन्छ ।