क्याबिनेट बैठक लाइभ गर्न माग गर्दै ३८ दिनदेखि धर्ना
मन्त्रिपरिषद बैठक प्रत्यक्ष प्रशारण गर्नुपर्ने माग राख्दै माइतीघर मण्डलामा आज पनि धर्ना दिइएको छ ।
आफूलाई स्वतन्त्र नागरिक भन्ने उदयपुर घर भई हाल काठमाडौँको कालिमाटी बस्ने सरिश्मा थापा उक्त माग लिएर धर्नामा बसेकी हुन् । अन्तरिम सरकारका प्रधानमन्त्री सुशीला कार्कीले शपथ खाएको भोलिपल्ट भदौ २८ गते सडकमा ओर्लिएकी उनले आज ३८ औँ दिन निरन्तरता दिइन् ।
पारदर्शिताको संकेत दिने गोलो सिसा हातमा लिएकी उनले 'खबरदार बलिदानी खेर नजाओस्' लेखिएको प्लेकार्ड हातमा लिएकी छन् ।
काठमाडौँ महानगरका मेयर बालेन्द्र साहले कार्यपालिका बैठक लाइभ गरेजस्तै मन्त्रिपरिषद बैठक पनि प्रत्यक्ष प्रसारण हुनुपर्ने थापाको माग छ ।
टिप्पणीहरू