अपराह्न देउवा निवास पुगेका राप्रपा अध्यक्ष साँझ गुण्डु
राष्ट्रिय प्रजातन्त्र पार्टी (राप्रपा)का अध्यक्ष राजेन्द्रप्रसाद लिङ्देनले नेकपा एमालेका अध्यक्ष केपी शर्मा ओलीसँग भेटवार्ता गरेका छन् ।
ओली निवास गुण्डुमा दुई जनाबीच आज साँझ भेटवार्ता भएको हो । पृथ्वी जयन्तीको अवसरमा राप्रपाले आयोजना गर्न लागेको चियापान कार्यक्रमको निम्तो दिने सन्दर्भमा लिङ्देन गुण्डु गएको बताइएको छ ।
दुई पार्टीका अध्यक्षबीच समसामयिक राजनीतिक परिस्थितिको गहिरो विश्लेषण र लामो संवाद भएको राप्रपाका प्रवक्ताले जानकारी दिएका छन् । त्यसअघि अपराह्न महाराजगन्जस्थित चुनदेवी मार्गमा रहेको देउवा निवास पुगेर लिङ्देनले काँग्रेस सभापति शेरबहादुर देउवालाई पनि भेटेका थिए ।
प्रतिनिधिसभा निर्वाचन नजिकिएसँगै राजनीतिक ध्रुवीकरण बढेको छ भने शीर्ष नेताहरूको भेटघाट बाक्लिएको छ ।
ट्रेन्डिङ पोस्ट
टिप्पणीहरू