उदयपुरका पाँच दल सरकारको बिरोधमा उभिए

सत्ता लम्ब्याउने दुराशयबाट घोषित निर्वाचनले कोरोना संक्रमणको महामारी भयावह अवस्थाको सामना गरिरहेका जनताको जीवनलाई झन गम्भीर संकटमा धलेलिदिएको भन्दै उदयपुरका प्रमुख पाँच राजनीतिक दलका प्रमुखहरुले संयुक्त विज्ञप्ति जारी गरेका छन् ।

विज्ञप्तिमा प्रतिनिधिसभा रातारात विघटन गर्ने राष्ट्रपति र प्रधानमन्त्रीको असंवैधानिक, अलोकतान्त्रिक, स्वेच्छाचारी, निरंकुश र प्रतिगमनकारी कार्यको घोर निन्दा र भत्र्सना गर्दै राष्ट्रिय हित रक्षाको लागि ढृढतापूर्वक अगाडि बढ्न आव्हान समेत गरिएको छ ।

संयुक्त विज्ञप्तीमा नेपाली काँग्रेसका सभापति विदुर बस्नेत, नेकपा माओवादी केन्द्रका अध्यक्ष विनोद कटुवाल, नेकपा एमालेका अध्यक्ष इश्वरमणि राउत, जसपा नेपालका अध्यक्ष केशव खपाङ्गी मगर र राजमो अध्यक्ष मोहनबहादुर श्रेष्ठ छन् ।

उदयपुरमा कडा निषेधाज्ञाको वावजुद् पनि सरकारको बिरोधमा नियमित रुपमा राँके जुलुस भइरहेको छ ।