राष्ट्रपतिद्वारा एमाले अध्यक्ष ओलीलाई ‘मेधावी योगदान पदक’ प्रदान
राष्ट्रपति विद्यादेवी भण्डारीले नेकपा (एमाले) का अध्यक्ष केपी शर्मा ओलीलाई ‘मेधावी योगदान पदक’ प्रदान गर्नुभएको छ । नेपाल स्काउटद्वारा आयोजित समारोहमा राष्ट्रपतिले ओलीलाई सो पदक हिजो दिनुभएको हो ।
अघिल्लो वर्षसम्म प्रधानमन्त्री छँदा उहाँले नेपाल स्काउटको अभियान विकास,विस्तार र प्रवर्धनमार्फत् बालबालिका तथा युवाको सर्वपक्षीय विकासमा अतुलनीय योगदान पुर्याएको भन्दै ओलीलाई उक्त पदक प्रदान गरिएको बताइएको छ । विश्व स्काउटले एशिया प्रशान्त क्षेत्रको लागि उक्त पदक दिएको हो ।
पदक प्रदान गर्दै राष्ट्रपतिले ओलीको राजनीतिक यात्राको व्याख्या गर्नुभएको थियो भने ओलीले नेपाल स्काउटलाई मुलुकभर विस्तार गर्ने कार्यमा आफूले गरेको कार्यको जानकारी गराउनुभएको थियो । नेपाल स्काउटमा ओलीनिकट लोकबहादुर भण्डारीको राम्रो प्रभाव र पहुँच छ । भण्डारी जेभियर कलेजका प्रमोटर हुन् ।
टिप्पणीहरू