सरकारी कार्यालयमा इन्टर्नसिप गर्ने युवतीमाथि यौन दुव्यर्वहार, हाकिम निलम्बित

सरकारी कार्यालयमा इन्टर्नसिप गर्न आएकी युवतीमाथि गिद्देनजर लगाउने तालिम अधिकृत निलम्बित भएका छन् ।

नेपाल स्वास्थ्य अनुसन्धान परिषद्का तालिम अधिकृत विजयकुमार झालाई यौन दुव्र्यवहार गरेको आरोपमा निलम्बन गरिएको हो ।

गत शनिबार आफ्नै कार्यकक्षमा बोलाएर आफूलाई दुव्र्यवहार गरेको आरोप युवतीले लगाएपछि झा निलम्बनमा परेका हुन् ।

आफूमाथि दुव्र्यवहार भएको भन्दै युवतीले दिएको निवेदनका आधारमा उनलाई तत्काल निलम्बन गरिएको एक अधिकारीले जानकारी दिए । अहिले छानबिनका लागि समितिसमेत गठन भइसकेको उनले बताए ।

यौन दुव्र्यवहार भएको हो वा होइन भन्ने अनुसन्धानकै क्रममा रहेकाले तत्कालको निम्ति उनलाई निलम्बन गरिएको बताइएको छ । झाले यसअघि २०७६ सालमा पनि महिला सहकर्मीमाथि दुव्र्यवहार गरेपछि दुई महिना निलम्बन गरिएको थियो ।