धनी ब्यापारीको घरमा छापा,अवैध कल सेन्टरबाट तीन दर्जन चिनियाँ पक्राउ,आठ महिला

राजधानीमा अवैध कल सेन्टर सञ्चालन गरेको अभियोगमा ३६ जना चिनियाँ पक्राउ परेका छन् । सिनामंगल तीनकुने नजिकै गैरीगाउँस्थित उद्योग वाणिज्य संघका पूर्व अध्यक्ष सुरज बैध्यको घरमा चिनियाँले सञ्चालन गरेको स्काई वर्ल्ड सर्भिस प्रा.लि.बाट उनीहरुलाई समातिएको हो ।

पक्राउ परेका ३६ जनामध्ये २८ जनालाई सोधपुछको निम्ति नेपाल पुलिस क्लब भृकुटीमण्डपमा राखिएको छ भने आठ जनालाई गौशाला प्रहरी बृत्तमा लगिएको छ । गौशाला लगिएका सबै महिला हुन् ।

उनीहरुले कल सेन्टरबाट साइबर अपराध गरेको सूचनाको आधारमा नेपाल प्रहरी,नगर प्रहरी, प्रहरी वृत्त गौशाला र बानेश्वरले संयुक्त अपरेशन चलाएको थियो ।

उक्त स्थानबाट प्रहरीले नगद आठ लाख २९ हजार पाँच सय ८५, ल्यापटप तीन सय ६१ थान,सीपीयु सात सय ५५ थान,मनिटर डेस्कटप छ सय ५ थान, सि.सि.टि.भि मनिटर एक थान डिभिआरसहित बरामद गरेको छ ।