पशुबलीविरुद्ध राजधानीमा पदयात्रा

पशु कल्याण संघ, नेपालले पशुबलीविरुद्ध शान्तिपूर्ण पदयात्रा गर्ने भएको छ । धर्म, संस्कृति र चाडपर्वको नाममा दिइँदै आइएको पशुबलीको अन्त्यका लागि भोलि बिहान ८ बजेदेखि पदयात्रा गर्न लागिएको हो ।

ललितपुरको जावलाखेल चोकमा भेला भएर पदयात्रा शुरु गरिने संघले जनाएको छ । जावलाखेल, कुमारीपाटी, लगनखेल, बंगलामुखी, शंखमुल हुँदै नयाँ बानेश्वरस्थित एभरेष्ट होटल अगाडि आएर पदयात्रा समापन गरिने जानकारी दिइएको छ । 

पशुबलीविरुद्ध आम नागरिकलाई सचेत बनाउन पदयात्राको आयोजना गरिएको संघको भनाइ छ । संघले पशुबलीलाई निरुत्साहित गर्न विभिन्न कार्यक्रम गर्दै आएको छ ।